Хөвсгөл аймаг мал тооллогын урьдчилсан дүнгээр 5.3 сая толгой мал тоолуулж улсдаа тэргүүлсэн.

Тус аймгийн Цагаан-Уул 410.6 мянган толгой мал тоолуулж аймагтаа тэргүүлж улсад гуравт орсон байна.

Цагаан-Уул сум аймагтаа адуу, хонь, тэмээний тоогоор тэргүүлсэн бол үхрийн тоогоор Алаг-Эрдэнэ сум, ямааны тоогоор Төмөрбулаг сум тэргүүлжээ.

Цагаан-Уул сум сүүлийн жилүүдэд аймагтаа мал сүргийн тоо толгойгоор тогтмол тэргүүлж байгаа юм.

Тус сумын малчид 1976 онд 100 мянган хоньтой болж 1 буман хонины баяр,  2015 онд 3 бум малын баяр хийсэн бол 2016 онд 4 бум малтай болсон юм.

Цагаан-Уул суманд 1600 орчим өрхийн байдгийн 1150 нь мал маллан амьдардаг байна.

Б.Тамираа