Хөвсгөл аймгийн нутаг дэвсгэрт хөрш зэргэлдээ аймаг, сум болон орон нутгаас отроор ирсэн малчдыг өөрийн нөөц боломжид тулгуурлан өвөлжүүлж, хаваржуулах, эрүүл мэнд, нийгмийн халамжийн тусламж үйлчилгээг үзүүлэхээр Алаг-Эрдэнэ, Улаан-Уул суманд отрын штаб байгууллаа.
Мөн сум бүр отор нүүдэл хийж буй өрхүүдэд тулгамдаж буй асуудлыг хүлээн авч, хууль тогтоомжийн хүрээнд шуурхай шийдвэрлэж байхыг сумын Засаг дарга нарт үүрэг болголоо.
Тус аймагт 23 сум, 1 тосгоны 129 багийн нутагт 19547 малчин өрхөд 5,660,1 мянган толгой мал өвөлжиж байна.Үүнээс тэмээ 2,5 мянган толгой, адуу 362,6 мянган толгой, үхэр 636,8 мянган толгой, хонь 2652,9 мянган толгой, ямаа 2005,3 мянган толгой буюу хонин толгойд шилжүүлснээр 10829,2 мянган толгой мал тоолуулсан урьдчилсан мэдээ гарчээ.
Тус аймгийн Жаргалант, Арбулаг сумаас Архангай, Булган аймагт 7 өрхийн 1537 толгой малтай оторлож байна.
Завхан аймгийн Их-Уул, Тосонцэнгэл сумаас 103 өрхийн 284 малчин, 61213 толгой мал Хөвсгөл аймгийн Алаг-Эрдэнэ, Арбулаг, Бүрэнтогтох, Галт, Их-Уул, Тариалан, Тосонцэнгэл, Төмөрбулаг, Түнэл, Цагаан-Уул, Цэцэрлэг, Чандмань-Өндөр, Рашаант, Эрдэнэбулган суманд оторлож байна.
Б.Туяа
| Алаг-Эрдэнэ, Улаан-Уул суманд отрын штаб байгууллаа |
Дундаж наслалт 3.4 хувиар нэмэгджээ 2025-12-15 16:02:06
Мал тооллого 80 гаруй хувьтай үргэлжилж байна 2025-12-15 14:54:31
Х.Алтанхуягийн “Хийморь” бүтээл оны шилдгээр шалгарлаа 2025-12-11 13:14:29
Улаанбаатараас Хөвсгөл нуур хүртэл автобус тогтмол явна 2025-12-09 14:14:53
Аялал жуулчлалын үеэр үйлчилгээ эрхлэгчид нэг тэрбум төгрөгийн орлого олжээ 2025-12-09 14:12:08
Сэтгэгдэл бичих