Хөвсгөл аймгийн Рэнчинлхүмбэ сумын зүүн урд зүгт өглөөний 7 цаг 59 минутад 4,5 магнитудын хүчтэй газар хөдлөлт болов.  Тухайн цэгт ойрын өдрүүдэд нийт 3 удаагийн  газар хөдлөлт болж байгаа бөгөөд Ар голын орчим өвөлжиж буй айл өрхүүдэд сул мэдрэгдсэн байна.

Хөвсгөл аймагт он гарсаар 3,5 магнитудаас дээш хүчтэй 30 удаа газар хөдлөлт бүртгэгдсэн байна. Тус аймгийн Цагааннуур, Хатгалын өргөн зурвасын газар хөдлөлтийн станцад 2022 оны 12 сарын байдлаар 0,1 магнитудаас дээш 12250  газар хөдлөлт бүртгэгдсэн гэж Одон орон геофизикийн хүрээлэнгийн Хатгал дахь салбарын эрхлэгч Ц.Даваадалай мэдээллээ.

Б.Ганаа