Хөвсгөл аймгийн Улаан-Уул суманд батлагдсан коронавирүст халдварын ойрын хавьтал Арбулаг сумын 1 иргэний түргэвчилсэн оношлуурын шинжилгээний хариу эерэг гарсан байна. Эерэг гарсан тохиолдол болон дам хавьтлын 21 хүний  PCR шинжилгээг хийхээр сорьцыг цуглуулж байна. Арбулаг сумын Онцгой комисс хуралдаж сумын хэмжээнд орох, гарах хөдөлгөөнийг 5 сарын 24 хүртэл хязгаарлаж хяналтын 5 постыг 24 цагаар ажиллуулж эхэллээ. Энэ хугацаанд ерөнхий боловсролын сургуулийн 12 дугаар ангийн элсэлтийн ерөнхий шалгалтын давтлага, сургалтыг семинар, олон нийтийг хамарсан үйл ажиллагааг зогсоосон байна. Мөн согтууруулах ундаагаар үйлчлэх худалдан борлуулахыг 6 сарын 10 хүртэл хоригложээ.

Б.Ганаа