Хөвсгөл аймгийн Баянзүрх, Тосонцэнгэл сумын ИТХ-ын төлөөлөгч нар нас барсан учраас нөхөн сонгууль явуулна.

Аймгийн ИТХ-ын ээлжит 18-р хуралдаанаар Сонгуулийн хороог 7 хүний бүрэлдэхүүнтэй байгууллаа.

Сонгуулийн хороог хуулийн  хүрээнд 4 дүгээр сарын 15-ны дотор байгуулах шаардлагатай байсан боловч ИТХ-ын төлөөлөгч нарын ирц хүрээгүйн улмаас хуралдаан хоёр дахиа хойшилж, сонгуулийн хороог хожуу байгуулж байна.

Аймгийн Сонгуулийн хорооны даргаар ИТХ-ын Ажлын албаны мэргэжилтэн Р.Машбат ажиллах юм.

Сонгуулийн хороонд намуудыг бүртгэж дууссан бөгөөд өнөөдрөөс нэр дэвшигч нарыг бүртгэж эхэлжээ. Нөхөн сонгууль ирэх сарын 18-нд болно.

                                             Б.Ганаа