Хөвсгөл аймагт нийт сонгогчдын 55,9 хувь нь саналаа өглөө
2021-06-10 01:39:01, 348

Хөвсгөл аймгийн хэмжээнд сонгуулийн нэрсийн жагсаалтад  бичигдсэн 86569  сонгогчоос 48397  нь саналаа өгч,  55,9  хувийн ирцтэй оролцлоо. 

МАН-аас нэр дэвшигч У.Хүрэлсүхэд 32986 сонгогч буюу 68,2 хувь, АН-аас нэр дэвшигч С.Эрдэнэд 4900 сонгогч буюу 10,1 хувь,  "Зөв хүн электорат" эвслээс нэр дэвшигч Д.Энхбатад 7943 сонгогч буюу 16,4 хувь нь саналаа өгсөн бол 2500 сонгогч буюу 5,2 хувь нь огт тэмдэглээгүй цагаан хуудас өгчээ.

Саналаа өгсөн иргэдийн 45,5 хувь нь эрэгтэй, 54,5 хувь нь эмэгтэй байна.  Насны хувьд 18-35  насных 32 хувь,35-55 насных 43,3 хувь, 55-аас дээш насны иргэд 25 хувь оролцжээ. Хамгийн өндөр санал өгсөн сумдаас, Цагаан-Үүр 68,7, Рашаант  63,9, Рэнчинлхүмбэ  62,6  хувьтай идэвхтэй оролцсон бол Баянзүрх сум 43,1 хамгийн бага хувьтай оролцжээ.

Хөвсгөл аймгийн хэмжээнд 1280 төрийн албан хаагч Монгол Улсын Ерөнхийлөгчийн сонгуулийг амжилттай зохион байгууллаа гэдгийг аймгийн Сонгуулийн хорооны дарга П.Ариунбат мэдээллээ.

Б.Гантуяа 

 


Хөвсгөл аймагт нийт сонгогчдын 55,9 хувь нь саналаа өглөө