Хөвсгөл аймгийн хэмжээнд 2689,6 мянган толгой хээлтэгч мал төллөхөөс 1537326 толгой хээлтэгч төллөж мал төллөлт 71,8 хувьтай байна. Үүнээс ингэ 176, гүү 31446, үнээ 81356, эм хонь 897206, эм ямаа 527142 төллөжээ.

Нийт 1384068 толгой төл бойжиж бойжилт 93,3 хувьтай байна. Оны эхнээс 250294 толгой мал хорогдож нийт малын 4,1 хувь нь хорогджээ. Хорогдсон малын сэг зэм устгалын ажлыг Мал эмнэлгийн газраас орон нутагт хийж ариутгал халдваргүйтгэлийг хийж байна.

Тус аймгийн хэмжээнд ойрын өдрүүдэд бороо уулаараа нойтон цас орсон учраас  ногоо ургаж байгаль сэргэж байгаа тул малчид зусландаа гарч эхэлсэн байна.

Б.Ганаа