Хөвсгөлийн уулс болон Хангайн нуруунаас усжих Үүрийн гол Цагаан-үүр сумын төв орчим, Идрийн гол Галт сумын Зүрх баг орчимд, Бэлтэс гол  Баянзүрх  сумын төв орчим усны түвшин өмнөх өдрөөс 10-40 см-ээр нэмэгдсэн байна. Хамгийн их нь Бэлтэс гол үерийн түвшинг 30 см-ээр үерлэж байна. Үүр, Идэр голуудын усны түвшин олон жилийн дунджаас 20-60 см-ээр ахиу байна. Хөвсгөлийн уулс болон Хангайн нуруунаас  усжих Сэлэнгэ, Дэлгэрмөрөн, Бүгсий, Эг голуудын усны түвшин олон жилийн дунджаас 20-80 см-ээр ахиу байна. Иймээс томоохон голын сав дагуу нутаглаж байгаа малчид, тээвэрчид, ард иргэдийг үер усны аюулаас сэрэмжтэй байхыг Хөвсгөл аймгийн УЦУОШТ, Ус судлалын өртөөнөөс анхааруулж байна.

Б.Ганаа