Хөвсгөл аймгийн Мөрөн сумын   Дэлгэрмөрөн  голд  аймгийн төвөөс урд зүгт 4 км-т голын усанд хүний цогцос байна гэсэн дуудлага  өчигдөр  Онцгой байдлын газарт  8 цаг 56 минутад ирсэн байна.  Дуудлагын дагуу тус аймгийн Онцгой байдлын газрын Эрэн хайх, аврах салбар, Гал түймэр унтраах, аврах 27 дугаар ангийн алба хаагчид 2 км замыг туулан 9 цаг 9 минутад  очсон байна. Дэлгэрмөрөн  голын урд эргээс 10 метр, хойд эргээс 50 метр зайтай, 30 см-ийн гүнтэй усанд  Мөрөн сумын харьяат  51 настай, эрэгтэй, иргэн Б   нас барсан байдалтай байсан байна.   Тухайн газарт 1 цаг 6 минут ажиллаж  цогцсыг  уснаас  гарган аймгийн Цагдаагийн газар, Шүүхийн шинжилгээний байгууллагад  хүлээлгэн өгчээ.   

Б.Туяа