Хөвсгөл аймгийн нийт нутгаар өнгөрсөн шөнө  цас орлоо. Мөрөн суманд 5 см цас орж хайлсны улмаас хальтиргаа гулгаа үүссэн байна. Хот тохижилт үйлчилгээний төвөөс Мөрөн сумын авто замын хальтиргаа гулгааг багасгах зорилгоор авто замын 39 уулзварт 1,5 тн давс цацлаа. Цаашид ихэнх нутгаар цас орж хүйтрэх төлөвтэй байгаа учраас аж ахуй нэгж албан байгууллагуудыг ойр орчмынхоо 50 м газрынхаа цасыг хөлдөж гулгаа үүсэхээс өмнө цэвэрлэхийг уриалж байлаа. Тус аймгийн нийт нутгаар 1-17 см цастай цасан бүрхүүл тогтсон бөгөөд өглөөний 10 цагийн байдлаар хамгийн их цас Хатгалд 17 см, Цагаан-Уулд 16 см оржээ.

Б.Гантуяа