Иргэдийг баталгаат зам гүүрээр зорчихыг анхаарууллаа
2020-03-04 21:32:24, 842

Хөвсгөл аймгийн Ус цаг уур орчны шинжилгээний төвийн Мөрөн ус судлалын өртөөнөөс зарим гол мөрний мөс задарч байгаа тул иргэдийг баталгаат зам гүүрээр зорчихыг анхааруулж байна.

Өнөөдрийн байдлаар Хөвсгөл нуур нийтдээ мөсөн бүрхүүлтэй байгаа бөгөөд Хатгал тосгон орчимд мөсний зузаан 102 см байгаа нь өмнөх оны мөн үе болон олон жилийн дунджаас 10-14 см бага Ханх сум орчимд олон жилийн дунджийн орчимд байна.

Хөвсгөл нуураас эхтэй Эгийн гол Хатгал тосгон орчмоор мөсөн бүрхүүл задарч мөсөн захтай болжээ. Хөвсгөлийн уулсаас эх авсан Үүр, Шишгэд, Бэлтэс гэрэг голын мөсний зузаан өмнөх оны мөн үеэс 2-73 см бага байна. Цаашид гол мөрнүүдийн мөсөн дээгүүр халиа тошин гүйх, мөс задарч мөсөн захтай болох, мөсний зузаан нимгэрч цөмрөх аюултай болж байгаа тул гол мөрөн нууруудын мөсөн дээгүүр зорчихгүй байхыг онцгойлон анхааруулж байна. 

 
Б.Амирлан 

 



Иргэдийг баталгаат зам гүүрээр зорчихыг анхаарууллаа

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0