Хөвсгөл аймагт  “Хүмүүн бичиг” сонинг  дөрөвдүгээр улиралд үндсэн захиалга 686 байсан бөгөөд нэмэлт 524 захиалж нийт 1210 болж улсдаа тэргүүллээ. Нийт захиалгаар “Эрдмийн далай” 497 сонин захиалж аймагтаа тэргүүлсэн бол “Титэм” сургуулийн хамт олон 482 сонин захиалж хоёрт оржээ.

Харин хөдөө орон нутгаас Тариалан, Төмөрбулаг, Арбулаг, Улаан-Уул сумын сургуулиуд хамгийн олонг захиалжээ.

Үндэсний мэдээллийн Монцамэ агентлагаас эрхлэн эх хэлээрээ гардаг “Хүмүүн бичиг” сониноос Монгол бичиг эхлэн суралцагч ард иргэд, сонирхогчид, оюутан залуус, төрийн албан хаагч, төрөл бүрийн ажил мэргэжлийн хүмүүс Монгол бичгийн зөв бичихзүйн хичээлүүд, хүний нэр болон оноосон нэр, гадаад үгийг зөв бичих, цахим орчинд Монгол бичгийг хэрэглэх, бичгийн галигт сургах, эвхмэл, таталган тигээр бичих, мөн бийрээр бичих, уран бичлэгийн мэдлэг дадлага олж авах боломжтой юм. Мөн төгсөх ангийн сурагчид элсэлтийн ерөнхий  шалгалтанд бэлтгэхдээ “Хүмүүн бичиг” сонингоос суралцдаг болжээ.

Б.Гантуяа