“Үндэсний бичиг үсгийн өдөр”-ийг тохиолдуулан Хөвсгөл аймгийн Боловсрол соёл урлагийн газар, "Титэм" ерөнхий боловсролын сургууль хамтран, монгол бичгээ чадварлаг эзэмшсэн багш сурагчид, иргэдийн бичлэгийн дадал, туршлага, авьяас, ур чадварыг нийтэд сурталчлах, монгол хэл бичиг, өв соёлоо түгээн дэлгэрүүлэхэд зорилгоор  "Сүегэр-2020" уран бичлэгийн цахим уралдааныг зохион байгуулав.  

Энэ жилийн уралдаанд Хөвсгөл аймгаас гадна Улаанбаатар хот, Булган, Архангай зэрэг аймгаас иргэд идэвхтэй оролцож нийт 500 гаруй багш, сурагч, сонирхогчид бүтээлээ ирүүлжээ. Тус уралдаанд мэргэжлийн багш нар “Үндэсний бичиг, соёлоо дэлгэрүүлэхэд багш миний үүрэг, оролцоо” сэдвээр зохион найруулж, монгол бичгээр хичээнгүй бичсэн байна.

Уран бичлэг сонирхогчид Хөвсгөл аймгийн зохиолчдын шүлэг, найргаас сонгон, бийрийн бичлэгээр уран бичсэн бол насанд хүрэгчид  ардын билэг зүйч Ж.Бадраагийн шүлэг найргаас сонгон, А4, А3 хэмжээтэй цаас дээр үзгээр болон бийрээр хичээнгүй бичжээ.