Хөвсгөл аймагт сүүлийн 24 цагт коронавируст халдварын 46 тохиолдол нэмэгдэж нийт батлагдсан тохиолдол 18351 болсон байна. Өнөөдрийн байдлаар аймгийн Нэгдсэн эмнэлэгт 237, гэрээр хяналтад 395 иргэн эмчлүүлж байна. Тус иргэдийн дотор хүүхэд 60, жирэмсэн эх 12 байна. Халдварын тохиолдол буурч байгаа боловч хүндрэлийн тоо буурахгүй байна гэдгийг Хөвсгөл аймгийн Эрүүл мэндийн газрын дарга М.Үүрийнбаяр мэдээллээ.  Хэвтэн эмчлүүлж буй иргэдийн дотор хөнгөн 144, хүндэвтэр 82, хүнд 10, маш хүнд 2 хүн улаан бүсэд эмчлүүлж байна. Халдварын тохиолдол буурч байгаа ч хүндрэл буурахгүй байгаа тул иргэдийг дархлаажуулалтдаа идэвхтэй хамрагдахыг Эрүүл мэндийн газраас анхааруулж байна.