"Эрүүл хүүхэд - Эрүүл шүд" үндэсний хөтөлбөрт Хөвсгөл аймгийн 15342 хүүхэд хамрагдахаас өнөөдрийн байдлаар 5000 орчим хүүхэд хамрагдаж 3620 хүүхэд шүдээ эмчлүүлж эрүүлжсэн байна. Хөтөлбөрийн хүрээнд “Сайхан”, “Баян буян” гэсэн 2 эмнэлэг хүүхдэд шүдний үзлэг эмчилгээг үнэ төлбөргүй хийж  Эрүүл мэндийн даатгалын сангаас санхүүжиж байна.  Хөтөлбөрийн хүрээнд зорилтот бүлгийн хүүхдэд урьдчилан сэргийлэх үзлэг, зөвлөгөө, шүдний цоорол, сувгийн эмчилгээ, урьдчилан сэргийлэх болон эрдэсжүүлэх түрхлэг, цоорол зогсоох түрхлэг, шүд авах зэрэг тусламж, үйлчилгээг үзүүлж, хүүхдийн амны хөндийг бүрэн эрүүлжүүлэх юм.

Тус аймгийн хэмжээнд шүдний эмчийн тусламж үйлчилгээг шатлал бүрд үзүүлж байгаа бөгөөд нийт  20 эмч хөдөө орон нутагт Хатгал Цагаан-Уул, Их-Уул суманд шүдний эмч ажиллаж иргэдэд үйлчилгээ үзүүлж байгаа ажээ.

Б.Ганаа