Хөвсгөл аймгийн Улсын бүртгэлийн хэлтсийн эд хөрөнгийн эрхийн бүртгэлийн архив 23 сумын 22989 хувийн хэрэг эд хөрөнгийн эрхийн бүртгэлийн нэгдсэн системд холбогдож бүрэн цахимжлаа.

Эд хөрөнгийн эрхийн бүртгэлийн архивын баримт бичиг цахимжсанаар бүртгэлийн үйл ажиллагаа сайжран, иргэдэд үзүүлэх төрийн үйлчилгээ түргэн шуурхай, хүнд сурталгүй болж статистик тоон мэдээллийг богино хугацаанд гаргах боломж бүрдэж байна.
Мөн бүртгэлийн хяналтын тогтолцоо сайжирч, шаардлагтай мэдээллийг төрийн байгууллагуудтай түргэн, шуурхай солилцох ач холбогдолтой гэнэ. 
Эд хөрөнгийн эрхийн баримт бичгийг цахимжуулснаар иргэд ТҮЦ машинаас иргэний цахим үнэмлэхээ уншуулж, 1000 төгрөгний төлбөр төлөөд эд хөрөнгийн лавлагаа авч цаг хугацаа зардлаа хэмнэх зэрэг олон боломж бүрдэж байгаа ажээ.