Хөвсгөл аймагт “Бүх нийтээр мод тарих өдөр”-ийн хүрээнд Мөрөн сумын урд байрлах Уран мандал уулын ард 1000 мод тарьж зурвас байгууллаа. 

Цаашид тус ногоон байгууламжийг өргөтгөн засмал зам хүртэл мод тарьж хоймор нутгийг зорин ирж буй иргэдийг ногоон орчин угтах юм. Энэ жилийн хувьд Монгол Улсын Ерөнхийлөгчийн санаачилгаар "Тэрбум мод" тарих үндэсний хөдөлгөөний нээлт болж байгаагаараа онцлог болж байна.Тус аймгийн хэмжээнд 2030 он хүртэл 10,999,999 мод тарьж ургуулах зорилт дэвшүүлэн мод тарьж, ургуулах ажлыг цогц байдлаар төлөвлөн ажил хэрэг болгож байгааг Хөвсгөл аймгийн Засаг дарга Ш.Идэрбаясгалан хэлж байлаа.