Мөрөн сумын Засаг даргын захирамжаар шинэ төрлийн коронавирүсний халдвараас сэргийлэх зорилгоор 8 сургуулийн 1000 гаруй багш ажилчид эргүүл хяналтыг хийж байна.

Өнгөрсөн 14 хоногийн хугацаанд ерөнхий боловсролын сургуулийн 3000 гаруй хүүхдүүд олон нийтийн газар, цэцэрлэгт хүрээлэн, голын эрэг, тоглоомын талбай зэрэг газруудаар явж байсан зөрчил илрүүлсэн байна. Сүүлийн үед гадаа дулаарч буйтай холбогдуулан хүүхдүүд олон нийтийн газраар явах нь эрс нэмэгдсэн учраас эргүүл хяналтыг ирэх сарын 30 хүртэл ажиллуулахаар болжээ.  

Өндөржүүлэн бэлэн байдалд байгаа энэ үед гадуур олон нийтийн газраар явж буй хүүхдүүдийг бүртгэлжүүлэн харьяалагдах сургууль болон ангийн багшид мэдээлэлж зөвлөмж өгч ажиллаж байна гэдгийг Мөрөн сумын Боловсрол, соёл, залуучууд, ахмадын асуудал хариуцсан мэргэжилтэн Д.Батдэлгэр мэдээллээ.

Б.Ганаа