135 айлын орон сууцанд орох хүсэлтэй иргэдийн дунд хэлэлцүүлэг явуулна
2019-09-04 23:21:18, 601
Хөвсгөл аймгийн Мөрөн хотод ашиглалтад орж байгаа “Шинэ Мөрөн” хорооллын эхний ээлжийн 135 айлын орон сууцанд орох хүсэлтэй иргэдийн дунд хэлэлцүүлэг явуулна.Тодруулбал тус орон сууцыг олгох журмыг аймгийн Засаг даргын зөвлөлийн хурлаар хэлэлцэн Иргэдийн төлөөлөгчдийн хурлын Тэргүүлэгчдийн хуралдаанаар хэлэлцүүлэхээр болов. Гэхдээ иргэдийн дунд хэлэлцүүлэг явуулж тус орон сууцыг олгох журмын талаар мэдээлэл олгон иргэдийн саналыг авч Тэргүүлэгчдийн хурал болон холбогдох газруудад хүргэсний дараа иргэдийн өргөдлийг цахимаар авна. Нийт 10 орчим тэрбум төгрөгийн өртөгтэй тус байрыг хөгжлийн бэрхшээлтэй иргэд, төрийн албан хаагч, 4 ба түүнээс дээш 18 нас хүртэлх хүүхэдтэй өрх, өрх толгойлсон эцэг, эх, өндөр насны тэтгэвэр тогтоолгосон ахмад настан, залуу гэр бүл, гамшиг аюулт үзэгдлийн улмаас орон гэргүй болсон иргэд, хөгжлийн бэрхшээлтэй түүнийг халамжилдаг гэр бүл гэсэн зорилтот 8 бүлгийн иргэдийн дундаас орох иргэдийг ил тод нээлттэй тодруулж түрээсээр өмчлүүлэхээр төлөвлөж байгаа ажээ.
Б.Ганаа


135 айлын орон сууцанд орох хүсэлтэй иргэдийн дунд хэлэлцүүлэг явуулна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 3
  • Сэтггэгдэл үлдээсэн: 2019-09-06 14:06:38
    ?????? : өргөдөл авч эхэлсэн юм бол уу .Тэтгэвэрийн 1 хүн халамж асаргааны 2 байдаг юм.
  • Сэтггэгдэл үлдээсэн: 2019-09-05 21:52:22
    ???????: Хэзээ оршин суугчдаа авах юм бол яасан удаан байнаа баригдаад зөндөө л удлаа. Журам нь хэзээ гарах юм бол ямар хүмүүс орох юм бэ
  • Сэтггэгдэл үлдээсэн: 2019-09-05 09:09:13
    suwdaa suwdaaa: heleltsvvleg n hezee haana bolhiin boloo.todorhoi medeelel haanaas awah we