Хөвсгөл аймгийн Ринченлхүмбэ сумын нутагт усархаг бороо орсны улмаас Ходон, Жаран, Шаргын голууд үерлэсэн байна. Өнөөдрийн байдлаар Шаргын гол маш их үерлэсэн тул техник явах боломжгүй болсон байна. Иймээс сумын Засаг даргын тамгын газар Сонгуулийн хороо хамтран хоёр талд нь автомашинаар тосож иргэдийг явганаар гол гаргаж сонгуулийг нь өгүүлсэн байна. Шаргын голын цаана байсан 70 гаран сонгогч саналаа өгсөн гэдгийг Ринченлхүмбэ сумын Засаг дарга Н.Батсуурь мэдээллээ. Тус суманд сонгуулийн насны 3160 иргэдийн 40 гаран хувь нь саналаа өгөөд байгаа ажээ.

 

Б.Ганаа