Хөвсгөл аймгийн Тосонцэнгэл, Тариалан, Эрдэнэбулган, Рашаант сумдад тариалалт ид үргэлжилж байна. Өнөөдрийн байдлаар үр тарианы тариалалт 50 хувьтай, хүнсний ногооны тариалалт 30 хувьтай байна. Тус аймгийн тариаланчид  орон нутгийнхаа үр тариаг 100 хувь, төмсийг 60 хувь, хүнсний ногоог 30 хувь хангадаг байна. Ирэх намар хүнсний ногоог 40 хувь, төмсийг 70 хувь хангах зорилт дэвшүүлэн ажиллаж байна гэдгийг Хөвсгөл аймгийн Хүнс хөдөө аж ахуйн газрын дарга Я.Эрхэмбаяр хэлж байлаа. Хөвсгөл аймгийн хэмжээнд үр тариаг 73 аж ахуйн нэгжийн 400 гаруй иргэд, хүнсний ногоо 500 иргэд нийт  1000 орчим иргэд энэ жилийн тариалалтыг хийж байна.