Хөвсгөл аймгийн Цагааннуур сумаас хойд зүгт 64 километрийн зайд өнөөдөр 14 цаг 02 минутад 3,8 магнитудын хүчтэй газар хөдлөлт болсон байна. Тухайн газар нутагт хүн амьтан байхгүй хил орчмын нутаг учраас ямар нэгэн чичирхийлэл мэдэгдээгүй, хохирол учраагүй байна. Тус аймагт он гарсаар 3,5 магнитудаас дээш 7 удаагийн газар хөдлөлт бүртгэгдсэн байна. Тодруулбал Хөвсгөл нуурт 5, Улаан-уулд 1, Цагааннуурт 1 удаагийн тохиолдол тус тус бүртгэгдээд байгаа ажээ.