Хатгал тосгоны хогийн цэгийг нүүлгэн шилжүүлэх шаардлагатай байна
2022-02-19 23:29:14, 323

Байгаль орчин, аялал жуулчлалын дэд сайд Г.Түвдэндоржоор ахлуулсан  баг бүрэлдэхүүн  Хөвсгөл аймагт ажиллаж  байна. Өнөөдөр үдээс өмнө   “Хөх сувд” мөсний баярыг зохион байгуулах  комиссын дарга М.Хуягбаатартай болон ажлын хэсэгтэй уулзаж  бэлтгэл ажлын хангуулах,  болзошгүй аваар  осол, гэмт хэрэг зөрчлөөс урьдчилан сэргийлэх зөвлөмж өгсөн.

Харин үдээс хойш  Хатгал тосгоны төвлөрсөн хогийн цэгийн байршлыг нүүлгэн шилжүүлэх талаар  судалж, бодит нөхцөл байдалтай танилцлаа.

 Тус хогийн цэг нь Эгийн голын эхээс 3.5 км зайд байршиж, 30 гаруй жилийн хугацаанд хог хаягдал нь хуримтлагдсан бөгөөд  5 га талбайг  эзэлж байна. Хөвсгөл нуураас эх авдаг ганц гол бол Эгийн гол. Эгийн гол урссаар Сэлэнгэ мөрөнд цутгадаг. Гэвч хогийн цэгийн одоогийн байгаа байршлаас борооны улирал болон шар усны үерээр хог хаягдал урсаж, Хөвсгөл нуур, Эгийн голыг бохирдуулах нөхцөл үүсдэг. Иймээс  төвлөрсөн хогийн цэгийг нүүлгэн шилжүүлэх шаардлага тулгараад байгааг орон нутгийн иргэд хэлж байлаа.

Сэтгүүлч Б.Амирлан 

 

 

 


Хатгал тосгоны хогийн цэгийг нүүлгэн шилжүүлэх шаардлагатай байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0