Эрдэнэбулган сум Даян дээрхийг зорих иргэдийг нэвтрүүлэхгүй
2021-01-13 21:27:09, 1658

Хөвсгөл аймгийн  Эрдэнэбулган сумын Онцгой комиссын хуралдаанаар  бусад аймаг сумдаас Даян дээрхийн хүрээ болон агуй орох, спорт загасчлалын  зорилгоор тус суманд ирэх иргэдийн зорчих хөдөлгөөнийг бүрэн хязгаарлаж, хяналтын постоор нэвтрүүлэхгүй байх шийдвэр гаргасан байна. Сар шинийн өдрүүдэд Даян дээрхийн хүрээ хийд агуйг зорих иргэдийг тоо эрс нэмэгддэг. Ялангуяа шинийн 15-ы дотор маш их иргэд зорин ирж хөдөлгөөний бөөгнөрөл үүсдэг учраас коронавирүсний халдвараас сэргийлэх зорилгоор дээрх хөдөлгөөнийг бүрэн хязгаарлаж байгаа гэнэ. Мөн өвлийн улиралд спорт загасчлахыг сонирхогч залуус бөөнөөрөө амарч аялдаг тул  энэ жил Эрдэнэбулган сум орон нутагтаа нэвтрүүлэхгүй хяналт тавин ажиллаж байгаа ажээ.

Б.Туяа 


Эрдэнэбулган сум Даян дээрхийг зорих иргэдийг нэвтрүүлэхгүй