Их-Уул сумын Асгат багийг 24 цагийн эрчим хүчинд холбов
2019-11-20 21:58:55, 1675
Хөвсгөл аймгийн Их-Уул сумын Асгат баг 24 цагийн эрчим хүчинд холбогдож, орон нутгийн иргэд жижиг дунд үйлдвэрлэл болон өрхийн үйлдвэрлэл эрхлэх, зурагт үзэж цаг үеийн мэдээ, мэдээллийг авах, цахилгаан хэрэгсэл ашиглаж ая тухтай амьдрах зэрэг олон боломж нээгдэж байна. Эрчим хүчийг Тарилангийн Зүлэгтийн гүүрнээс 32 километрт татсан байна. Ирэх жилээс Хөвсгөл аймгийн анхны хүрээ байсан тус газарт хийдийг сэргээж шашны сургуулийг барихаар төлөвлөж байгаа гэнэ. Хөвсгөл аймгийн Их-Уул сумын Зүүн Асгатын хүрээ нь 6 том дуган болон Жүд, Дүйнхор, Цогчэн, Цанид дацангууд бүхий хуралтай нэлээд том эртний Хүрээ байжээ. Тус хийдийн үүсгэл нь 1700-аад оны сүүл үеэр Хар Морьт сахиусыг залах үестэй хийдийн шав тавигджээ. Түүнээс хойно Сайшаалт ерөөлтийн 19 онд буюу 1814 онд Бэйс Няланбарын үед Цогчэн хурлын дуган түүний араас залгуулан тус тус дацангуудыг байгуулжээ. Дацан гэх нэршил нь 18-20 жилийн сургалттай коллежтой дүйх ба Хүрээ гэх ойлголт нь олон дацан, сүм, дуган, лам хуваргаас бүрдсэн шашны төвлөрсөн томоохон хэмжээний төвийг хэлж байжээ. Үүнээс үзэхэд Их-Уул сумын Зүүн Асгатын хүрээ нь томоохон хэмжээний шашны төв байсан бөгөөд тус хурал нь 1937 оны эхээр хаагдан дуган сүмүүд эзгүйрч 1940-өөд оны эхээр нураасан ажээ.
Б.Баянаа


Их-Уул сумын Асгат багийг 24 цагийн эрчим хүчинд холбов

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 9
  • Сэтггэгдэл үлдээсэн: 2019-11-21 21:15:54
    Huwsgul : Lam nar 24n tsagiin erchim hvchind holbuulah gej huutsulj baij holbuussan bnle darga nariin hiigegv ajiliig hiij ugch bidend mash tom buyn bolson bayrlla
  • Сэтггэгдэл үлдээсэн: 2019-11-21 14:43:35
    Sainaa: Ih-uul saikhan gazar shuu. Khuvsguliin ungu ikh-uulaas eheldeg saihan ajil urnuhnee amjilt husch baina
  • Сэтггэгдэл үлдээсэн: 2019-11-21 14:41:45
    Dashiin Mundaa : Amjilt ta buhendee
  • Сэтггэгдэл үлдээсэн: 2019-11-21 14:38:38
    Altai: Bagiin irgeddee bayr hurgie
  • Сэтггэгдэл үлдээсэн: 2019-11-21 14:37:15
    Tur: Uildver tiim amar hiichihdeg Ed bishee mangaraa. Zuv zuil bolohnee
  • Сэтггэгдэл үлдээсэн: 2019-11-21 14:28:08
    ?????? : Сум орондоо том бүтээн байгуулалт хийх гэж буй нутгийн хүүхдүүдэд урам хайрлъя
  • Сэтггэгдэл үлдээсэн: 2019-11-21 14:26:09
    Bayraa: Khiidiin khurungiig lam nar uursduu bosgoson gej baina lee. Aglagiin khiid shig l saikhan zuil bolohnee. Khuvsguld khun uzeh yum negeer nemegdeh gej baigaad bayrtai bgaa.
  • Сэтггэгдэл үлдээсэн: 2019-11-21 13:14:30
    Зочин: Шашны сургууль би болуул нь дэмжинээ
  • Сэтггэгдэл үлдээсэн: 2019-11-21 09:30:47
    ??? : Хүрээ хийд гэж элийрч байхаар сумандаа ажлын байр нэмчих ганц нэг үйлдвэр ч юмуу нэг юм хиймээр юм 1 ширхэг ч гэсэн үйлдвэр байхгүй газар шдээ шинээр ажлын байр хэрэгтэй баймаар үер усныхаа асуудлыг шийдмээр юм