“50:100” аялал жуулчлалын цогцолбороор зочлоорой
2021-07-10 11:59:56, 914

Хөвсгөл аймаг аялал жуулчлалын тулгуур төв болох зорилтын хүрээнд  "Аялал жуулчлалын цогцолбор" байгуулж бүтээн байгуулалтыг хийсээр байна. Амралтын өдрүүдэд хоймор нутгийг зорьж буй аялагчид та бүхнийг  Дэлхийн  уртраг өргөргийн 4 огтлолцлын  хүн үзэх боломжтой цорын ганц цэг “50:100” аялал жуулчлалын цогцолбороор зочлохыг урьж байна.

Дэлхийд уртраг өргөргийн 4 огтлолцлын цэг байдаг бөгөөд Энэтхэгийн далай, Номхон далай гэсэн усан дотор хоёр нь, Канадын хурдны зам дээр нэг нь нөгөөх нь Хөвсгөл аймгийн Алаг-Эрдэнэ сумын нутаг Эрхэлийн хөндийд байдаг. Энэ нь хүн очиж үзэх боломжтой цорын ганц огтлолцлын цэг учраас Хөвсгөл нуурыг зорин ирж байгаа гадна, дотны зочид, жуулчид сонирхон үзэж иж бүрэн тохижуулсан орчинд тухлан саатах боломжтой юм.

Тус цогцолбор Хатгал орох замд  Мөрөн сумаас  45 километрт байрладаг бөгөөд,  орон нутгийн онцлогийг харуулсан хөшөө дурсгал, явган хүний зам, гэрэлтүүлэг, задгай театр, гүүр зэргийг байгуулж аялагчид зургаа авахуулах тохилог орчинг бүрдүүлжээ.

Б.Ганаа

 



“50:100” аялал жуулчлалын цогцолбороор зочлоорой

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0