Зарим голын мөсний зузаан нимгэрч цөмрөх аюултай болжээ
2021-03-01 14:37:22, 123

Хөвсгөл аймгийн Ус цаг уур орчны шинжилгээний төвийн Мөрөн ус судлалын өртөөнөөс зарим голын мөсний зузаан нимгэрч, цөмрөх аюултай гэдгийг анхаарууллаа.

Өнөөдрийн байдлаар Хөвсгөл нуур нийтдээ мөсөн бүрхүүлтэй байгаа бөгөөд Хатгал тосгон болон Ханх сум орчимд мөсний зузаан 102-106 см байгаа нь өмнөх оны мөн үе болон олон жилийн дунджийн орчим байна. Хөвсгөл нуураас эхтэй Эгийн гол Хатгал тосгон орчмоор мөсөн бүрхүүл задарч мөсөн захтай болжээ. Хангайн нуруунаас эх авсан Сэлэнгэ, Дэлгэрмөрөн, Идэр, Үүр, Бүгсий зэрэг томоохон голын мөсний зузаан өмнөх 10 хоногоос 2-23 см багасч, мөсний зузаан 29-124 см болсон нь өмнөх оны мөн үеэс 2-24 см бага байна. Цаашид гол мөрнүүдийн нийт уртын дагуу мөсний нягт багасч, хэврэгшин мөс задарч, цөмрөх аюултай болж байгаа тул мөсөн дээгүүр зорчихгүй байхыг анхааруулж байна.

Б.Ганаа



Зарим голын мөсний зузаан нимгэрч цөмрөх аюултай болжээ