Мал тооллогод 333 хүн ажиллаж байна
2019-12-07 16:21:54, 605
Жил бүрийн 12 дугаар сарын 7-17-ны хооронд жилийн эцсийн мал тооллогыг улс даяар зохион байгуулдаг. Хөвсгөл аймгийн хэмжээнд мал тооллогод 333 хүн ажиллаж  байна. Энэ жил малыг тооллогод бүрэн хамруулах, ялангуяа адуу, үхэр, тэмээг хамруулахад анхааран тооллогод хамрагдах өрхийн зураглал, маршрутыг хэсэг тус бүрээр гарган бүртгэл хөтлөн ажиллах  юм. Сүүлийн жилүүдэд мал тооллогын мэдээллийг даатгалын нөхөн төлбөр олгох, мал эмнэлгийн үйлчилгээг үзүүлэх, малчдын нийгмийн халамж, ажил эрхлэлттэй холбоотой асуудлыг шийдэх зэрэгт ашиглаж байна. Мөн орон нутгийн эдийн засгийн чадавхийг үнэлэх, мал аж ахуйн салбарын төлөвлөлт, бодлого боловсруулалт хийх зэрэгт нотолгоонд суурилсан чанартай бодитой, өрхөд суурилсан мэдээлэл чухал байгаа учраас мал тооллогыг амаар бүртгэхгүй, нэг бүрчлэн нүдээр үзэж тоолохыг Хөвсгөл аймгийн Статистикийн хэлтсийн дарга Б.Базардамбуу анхааруулж байлаа.
Б.Гантуяа 


Мал тооллогод 333 хүн ажиллаж байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0