Хөвсгөл аймгийн Нийтийн номын сангаас Эх үрсийн баярын өдөр хүүхэд багачуудын унших дуртай ном болон үлгэрийн номны үзэсгэлэнг гаргасан нь хүүхдийн сонирхлыг хамгийн их татсан үйл ажиллагаа боллоо. 

 

Энэ үеэр аймгийн Хөгжимт драмын театрын уран бүтээлчид “Улаан малгайт” хүүхдийн таягт жүжгийг үнэ төлбөргүй тоглож, Орон нутаг судлах музей фото үзмэр гаргаж хүүхдийн хүсэл мөрөөдөл, гоо зүй, танин мэдэхүй, хүмүүжилд нийцсэн цогц үйлчилгээг нэг дороос хүргэлээ.

 

 

Анх удаа ийнхүү соёл урлагийн салбарын хамт олон нэгдэж хүүхдүүдийг урлагаар дамжуулан ном, үлгэрт нөхөрлүүлэх, ”Улаан малгайт” жүжгийн дүрүүдээс олон зүйлийг олж таних, багачуудын хүсэл мөрөөдлийх нь онцлогт тохируулан ёс суртахууны хүмүүжил олгохыг зорьсон нь хүүхэд багачуудын хүсэл сонирхолд нийцсэн  үр дүнтэй үйл ажиллагаа боллоо.

Б.Гантуяа