Манай гэр бүл эвтэй 4 амьтан шиг аз жаргалтай байж чаддаг. Аав заан, ээж тагтаа, би сармагчин, дүү туулай.

Би жирийн нэгэн айлын ууган хүү 1 дүүтэй ээж, аав хоёртойгоо дөрөвүүлээ амьдардаг. Айлын том хүү болохоор миний үүрэг их, хариуцлага бас өндөр, бас үлгэр дуурайлалтай  ах нь байхыг хичээдэг. Би 2005 оны зуны сайхан нэгэн өдөр хайрт ээжийгээ 2,3 өдрийн турш өвтгөж байгаад 3 дахь өдөр нь ээж маань яаралтай  хагалгаанд орж намайг гаргасан гэдэг. Аав маань хүүгээ хармаар байна гээд эмч нараас гуйж байгаад ээж бид хоёрын хэвтэж байсан өрөөнд орж ирээд  намайг харсанаа үнсээд бас ээжийг үнсээд  нулимсаа арчаад гараад явчихсан гэдэг.

Энэ цаг мөчөөс эхлээд би аавыгаа аав болгож, ээжийгээ ээж болгож, манайх гэдэг  айлд бүл нэмсэн түүхтэй. Би айлын анхны хүүхэд болохоор эрх дураараа, хүссэн бүхнээ авахуулж, эрхэлж байтал 8 жилийн дараа дүү гарч би  ах болсон, тэгэнгүүт ээж аав  хоёрын надад тавих анхаарал  шууд суларсан.Би эхэндээ хэцүү  байсан, сүүлдээ  ээж маань ойлгуулж дассан. Одоо бол манай гэрт надгүй юм байхгүй би сармагчин шиг л их үүрэг гүйцэтгэнэ. Дүү бол одоохондоо туулай шиг, юмыг ухаарч амжаагүй насан дээр байгаа. Ээж маань бид хоёрт байнга хоёр л зүйлийг дандаа хэлдэг. 

  Нэгдүгээрт та 2 эрэгтэй хүүхдүүд учраас том болоод архи ууж тамхи татаж болохгүй.

 Хоёрдугаарт эмэгтэй хүнийг ээж шигээ  хайрлах хэрэгтэй бас хүнд сайн туслаж байх хэрэгтэй, одооны хүүхдүүд хүнд туслах нь байтугай,  янз янзын юм энд тэнд сонсож теливиз радиогоор харж, байгаа биз гээл тахиа шиг бараг л өглөө бүр хэлнэ. Энэ нь юутай ч үнэн гэж би боддог. Миний  аав архи ууж тамхи татдаггүй, бас ээжид, бид хоёрт анхаарал сайн тавьдаг, мөн  нэг их юм хэлэхгүй, зодож цохихгүй үнэхээр бахархмаар яг заан шиг тайван мундаг аав. Айлын хүүхдүүд ихэвчлэн ааваасаа айдаг харин бид 2 эсрэгээр ээжээсээ  илүү эмээнэ.Ээж бол заримдаа монгол хэл уран зохиолын багш шиг их юм ярина, заана зөвлөнө. Бас манай гэрийн дүрэм их хатуу орой гэртээ цугларсан бол 10 цаг хүртэл Pacebook орохгүй, утсаар оролдохгүй оролдсон хүн нь маргаашийн гэр янзлах, хоол хийх шийтгэлтэй. Бас амралтын хоёр өдрийн нэгэнд цэвэрлэгээгээ хийгээд нэгэнд нь хүн бүр дуртай зүйлээ хийж, гэр бүлээрээ хамт амарч зугаалж хамтдаа байх дүрэмтэй.Үүнийг ээж их зөрчиж хоол хийх, гэр цэвэрлэхэд оногдоно. Манай гэрийн ганц эмэгтэй учраас  хааяа ээжийгээ өрөвдөөд  аав бид хоёр юмыг нь хийж өгч туслаж, бонус, хөнгөлөлт үзүүлнэ. Ийм л гэр бүл болохоор би гэр бүлдээ хайртай. Тиймээ миний гэр бүл миний аз жаргал, миний бахархал юм. Хүү нь эрдэм номонд шамдан суралцаж эх орондоо хэрэгтэй сайн хүү болоод ээж аав хоёрынхоо ачийг заавал хариулна.  Аав, ээж, дүү гуравтаа гэр бүлдээ би маш их хайртай шүү. Том хүү чинь.

 

Үндэсний лаборатори “Эрдмийн далай” цогцолбор сургуулийн 

             8 а ангийн сурагч Батмөнхийн Батзориг