Гэр бүл бол хайраар бүтээгдсэн бяцхан ертөнц юм. Энэ хайрын ертөнцөд аз жаргалтай дурсамж, баяр хөөр бүгд шингэсэн байдаг. Хөөрхөн ижийнхээ ариун хэвлийгээс хүн болж төрөхдөө аав ээжийнхээ нүдэнд баярын нулимс цийлэгнүүлэн аз жаргалыг бэлэглэж хамгийн тод дурсагдах, хамгаас нандин дурсамжыг зүрх сэтгэлд нь мөнхрүүлсэн юм. Арай ядан хөлд орж байсан анхны өдөр, ааваа гэж хэлд орсон анхны мөч. Эрдмийн алтан өргөө цэцэрлэг сургуулийн босгоор ээж аавтайгаа алхан орсон анхны өдөр аз жаргалтай дурсамж болон ард хоцорчээ. Гэр бүл бол аз жаргалтай байх гол шалтгаан юм. Бид нэгэн удаа рашаан дээр гэр бүлээрээ гар бөмбөг тоглож байв. Аавруу бөмбөг ирэхэд аав цохих гээд гараа бэлдээл цохих гэж байтал 2 том гарынх нь дундуур, хосгүй том гүзээнийх нь урдуур бөмбөг нь ортол бид элгээ хөштөл инээж байсан үе хөгжилтэй дурсамж болон үлджээ. Сургууль хэмээх алтан өргөөнд сурагч хэмээх гэгээн нэрийг зүүн сэтгэл дүүрэн баяртай, итгэл дүүрэн зоригтойгоор олон олон амжилтуудыг  ар араасаа дагуулахад минь хамгаас хайртай гэр бүлийнхэн минь хамгийн ихээр баярлаж, хайраар дүүрэн дурсамжийг хамтдаа бүтээлцжээ. Хамгийн сүүлд орсон Соробан сампингийн Үндэсний аварга шалгаруулах тэмцээнд Elementary B ангилалд тэргүүн байр эзлэж Гранд чампион цомоор шагнуулан дэлхийн аварга шалгаруулах тэмцээнд Комбож улс руу явах эрх авахад  ээжийн минь нүдэнд баярын нулимс цийлэгнэж энэрэл хайр  бахархал дүүрэн нүдээр мишэээсэнсэн. Би гэр бүлдээ хамгийн их хайртай ч яаж хайраа илэрхийлэхээ сайн мэддэггүй байлаа. Харин энэ боломжийг ашиглан ХАЙРТАЙ шүү гэдгээ хэлье. Тиймээ Гэр бүл бол хайрын үндэс юм.

Дэлгэрмөрөн цогцолбор сургуулийн

8а ангийн сурагч Б.Доржханд