Хөвсгөл аймгийн Бүрэнтогтох суманд Сидней олимпийн зөвлөлийн нэрэмжит ахмадын гар бөмбөгийн тэмцээн болж 10 гаруй багийн тамирчид өрсөлдсөнөөс “Зөөлөн” компаний баг дахин тэргүүлж цомын эзэд боллоо.

Тэмцээний эрэгтэй баг тамирчдын төрөлд “Зөөлөн” компаний баг нэгдүгээр байрт, хоёрт Бүрэнтогтохын 2-р баг, гуравт Мөрөн сумын баг, эмэгтэйчүүдийн  төрөлд “Зөөлөн” компаний баг нэгдүгээр байрт, хоёрт Мөрөн сумын ахмадын баг, гуравт Бүрэнтогтохын 2-р баг тус тус шалгарчээ. Мөн эрэгтэй тэгш тоглогчоор Зөөлөн багийн Г.Батжаргал, эмэгтэй тэгш тоглогчоор Мөрөн сумын ахмадын багийн Б.Алтанул шалгарчээ. Тус тэмцээнд сүүлийн жилүүдэд “Зөөлөн” компаний баг тамирчид амжилттай оролцсоор байгаа гэнэ. Тухайлбал гурван жил дараалан түрүүлж шилжин явах цомыг нь үүрд хадгалсан бол энэ жил дахин тэргүүлжээ. 

Б.Гантуяа