“Анна Франкийн өдрийн тэмдэглэл” Сид Жекобсон Амстердам дахь Анна Франкийн гэр музейн баримтууд, тэдний ажлын түүхэн туршлага, хэмжээлшгүй их нэр хүндэд тулгуурлан Сид Жекобсон, Эрни Колон нар Анна Франкийн зурагт намтрыг хэвлүүлэн гаргасан нь Нью-Йорк Таймс сониноос зарладаг хамгийн их борлуулалтай номын нэг болжээ. Тэд Аннагийн эцэг Отто, эх Эдит нарын Франкфурт дахь амьдралаас авахуулаад нацизм дэлгэрсэн, Франкийнхан Амстердам руу зугтсан, дайн, булаан эзлэлт, Аннагийн нууц байранд байсан үе, урвагч, баривчилгаа, Берген-Бельзений хорих лагерьт харамсалтайгаар амиа алдсан, Аннагийн аав Оттогийн амьд үлдсэн түүх, охиныхоо тэмдэглэлийг сэргээн хэвлүүлсэн зэргийн талаар өгүүлжээ. Тус номыг Хөвсгөл аймгийн Нийтийн номын сангаас амтархан уншаарай. 

Б.Ганаа