Баянзүрх суманд 100 ортой цэцэрлэгийн барилгыг ашиглалтад орууллаа
2022-09-02 20:28:28, 134

Хөвсгөл аймгийн Баянзүрх суманд улсын төсвийн 1,2 тэрбум төгрөгийн хөрөнгө оруулалтаар 100 ортой хүүхдийн цэцэрлэг шинээр барьж ашиглалтад орууллаа.

Ийнхүү Баянзүрх сумын хүүхэд багачууд хичээлийн шинэ жилд тав тухтай, эрүүл аюулгүй орчинд сурч боловсрох боломж бүрдлээ.Тус сумын хуучин цэцэрлэгийн барилгыг 1966 онд аж ахуйн аргаар барьсан нэг давхар гурван байртай бөгөөд 2015 онд ашиглалтын хугацаа дуусаж онцгой байдлын газрын акт гарсан байна. Сумын удирдлагууд, багш ажилчид, эцэг эхчүүдийн зүгээс шинэ цэцэрлэгийн байртай болох хүсэлтийг УИХ-ын гишүүн Л.Мөнхбаатарт  удаа дараа тавьсны дагуу 100 ортой хүүхдийн цэцэрлэгийн барилгыг улсын төсөвт тусгуулж  цэцэрлэгийн шинэ байртай боллоо.   

Цэцэрлэгийн барилгыг “Хөвсгөл батчандмань” ХХК чанартай гүйцэтгэж, цаг хугацаанд нь хүлээлгэн өгсөн явдалд багш ажилчид, эцэг эхчүүд, хүүхэд багачуудынхаа өмнөөс баярлаж талархсанаа нээлтийн үеэр илэрхийлж байлаа.

Б.Тамир 


Баянзүрх суманд 100 ортой цэцэрлэгийн барилгыг ашиглалтад орууллаа

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0