Хөвсгөл аймгийн Гэр бүл хүүхэд залуучуудын хөгжлийн газарт мэргэжлийн 5 сэтгэл зүйчийг өнгөрсөн 5 сарын нэгнээс эхлэн тогтмол ажиллуулж байна. Сар гаруйн хугацаанд 40 гаруй иргэд мэргэжлийн зөвлөгөө авсан байна. Үйлчлүүлж буй иргэдийн ихэнх нь гэр бүлийн харилцаа, гэр бүлийн маргаантай асуудлаар хандсан байна. Орон нутагт мэргэжлийн сэтгэл зүйчдийг  тогтмол ажиллуулснаар гэр бүлийн гишүүд, хүүхэд, өсвөр үе, залуучуудад сэтгэцийн эрүүл мэндийн тусламж үйлчилгээг үзүүлж цахим дэлгэцийн донтолт, архи, тамхи, мансууруулах бодис, хорт зуршил, хүчирхийллийн дарамт шахалтаас зэргээс урьдчилан  сэргийлэх зорилготой юм.  Мөн хүүхдийг харилцааны зөв хэвшилтэй, бусдыг хүндлэх хариуцлагатай итгэл даах чадвартай болгон төлөвшүүлэхэд дэмжлэг үзүүлэх зорилгоор аймгийн ИТХ, ЗДТГ, ГХУСАЗСЗ, ЭМГ зэрэг байгууллагууд хамтран ажиллаж байгаа ажээ.