Хөвсгөл аймгийн Баянзүрх сумын Хайс багийн Доод хулганы нарийны-Ам гэдэг газар аймгийн төвөөс хойд зүгт 160 км-т, сумын төвөөс баруун хойд  зүгт 30 км-т ойн түймэр гарч түймэрт нийт 1,5 га ойн талбай шатсан байна.

Түймрийн дуудлагын дагуу тус аймгийн Онцгой байдлын газрын 12 алба хаагч, 1 автомашинтай, Хилийн 0257 дугаар ангийн 6 алба хаагч, 1 автомашин, орон нутгийн 47 иргэн, 11 мотоцикльтой, нийт 65 хүн, 13 техник хэрэгсэлтэйгээр ажиллаж,  өчигдөр орой 18 цагт цурманд оруулж, өнөө өглөөний 07 цагийн орчим бүрэн унтраасан байна. 

Б.Ганаа