МУ-ын гавъяат багш  Д. Батсуурийн нэрэмжит Хөвсгөл аймгийн Мөрөн сумын математикийн гүнзгийрүүлсэн сургалттай, эх хэлний түшиц ерөнхий боловсролын Титэм сургуулийн  “Бичиг-Урлаг” дугуйлангийн багш сурагчид хамтран “Монгол хүний зүрхний бичээс” үзэсгэлэнг Орон нутаг судлах музейд  гаргаж байна.

 Тус үзэсгэлэнд багш сурагчдын хичээнгүй тиг, бийрийн бичлэг, хулсан үзгийн тигээр бичигдсэн 50 гаруй бүтээл багтжээ.

Мөн “Монголын сайхан бичигтэн -2022” Улсын уралдааны шагналт байрд шалгарсан  анги нийтийн бүтээл хоёр бүтээл тавигдсан байна.

Титэм  сургуулийн “Бичиг-Урлаг” дугуйлан нь Үндэсний бичиг-3 хөтөлбөрийн хүрээнд “Үндэсний бичиг бол боловсролтой хүний мөнхийн дагуул юм ” уриан дор тусгай хөтөлбөрийн дагуу сурагчдын хэрэгцээнд тулгуурлан  авьяас чадварыг хөгжүүлэн хичээллэдэг онцлогтой ажээ.

Б.Ганаа