Хөвсгөл аймагт “Элэг бүтэн монгол” үндэсний хөтөлбөрийн хүрээнд элэгний В,С вирусийн илрүүлэх шинжилгээнд хамрагдвал зохих 15-65 насны 86362 иргэнээс 44 хувь нь хамрагдаад байна. Энэ үеэр элэгний хорт хавдар эрт үедээ 8 хүн илэрчээ. Халдвартай нь илэрсэн иргэдийг С вирусийн эмчилгээнд 1113 буюу 37,8 хувийг хамруулж үр дүн өгсөн нь 68,4 хувьтай, В вирусийн эсрэг эмчилгээнд 274 буюу 9,9 хувийг хамруулжээ. Мөн сум бүрт очиж В,С вирусийн халдвартай иргэдийг ачаалал тоолох шинжилгээ,  эмчилгээ, хяналтанд хамруулах үйл ажиллагааг зохион байгуулан ажиллаж 16 сумын 1504 иргэдийг оруулсан ажээ.

 Б.Гантуяа