Хөвсгөл аймагт сүүлийн 24 цагт 86 сорьцод  PCR шинжилгээ хийснээс 1 тохиолдол батлагдсан байна. Намнангийн арын постоор Улаанбаатар хотоос зорчин ирсэн 1 иргэнээс коронаьирүст халдвар илэрсэн тул хамт ирсэн 3 иргэнийг Эдэлвайс зочид буудалд  тусгаарласан байна. Тус аймагт батлагдсан 68 тохиолдлын  60 иргэн эмчлэгдээд гэрийн ажиглалт тусгаарлалтад шилжсэн байна. Өнөөдрийн байдлаар Нэгдсэн эмнэлгийн Халдвартын тасагт 3, Рэнчинлхүмбэ суманд 4, Чандмань-Өндөр суманд 1 нийт 8 иргэн эмчлүүлж байгаагийн зургаа нь хөнгөн  хоёр нь хүндэвтэр байгаа гэнэ. Аймгийн хэмжээнд 818 иргэн тандалтад байна гэдгийг Эрүүл мэндийн газраас мэдээллээ.