Хөвсгөл аймагт голомттой бүс нутгаас ирсэн 268 хүнийг гэрийн тусгаарлалтын хяналтад авч 14 хоногийн хугацаа дууссан 135 хүнийг хяналтаас гаргасан байна.

Өнөөдрийн байдлаар тус аймгийн 23 сум, Мөрөн сумын 5 өрхийн эрүүл мэндийн төвийн хяналтад 1400 хүн байна гэдгийг Шуурхай штабаас мэдээллээ. Голомттой бүс нутгаас ирсэн иргэдэд түргэвчилсэн оношлуураар шинжилгээ хийхэд бүгд сөрөг гарсан байна. Сүүлийн үед иргэд томоохон худалдааны төв, зах, дэлгүүрүүдэд ихээхэн бөөгнөрөл үүсгэж байгаа учраас эрсдэл өндөр энэ үед олон нийтийн газраар явахгүй гэртээ байхыг ард иргэдэд анхааруулж байлаа.

Б.Ганаа