Тандалтын шугамаар 500 хүнд түргэвчилсэн оношлуураар шинжилгээ хийнэ
2021-01-08 18:19:29, 422

Хөвсгөл аймгийн хэмжээнд короновирүсний халдвараас урьдчилан сэргийлэх зорилгоор амралтын өдрүүдэд олон нийтийн дунд 500 хүнд түргэвчилсэн оношлуураар шинжилгээ хийж 320 сорьцыг Улаанбаатар хотын ХӨСҮТ-д явуулна.

Тус аймагт коронавирүсний халдвар бүртгэгдээгүй боловч иргэд хулгайн замаар орж ирэх, хүнс тээвэрлэж буй автомашинд сууж орж ирэх, голомтот бүс нутгаас ирээд гэртээ 14 хоног гэрийн ажиглалт тусгаарлалтад байхгүй гадуур гарах зэрэг зөрчил илэрч байгаа гэнэ. Иймээс худалдааны үйлчилгээний төв, олон нийтийн газарт ажиллаж буй иргэд, хяналтаар ажиллаж байгаа төрийн албан хаагчид болон иргэдийн дунд тандалтын шинжилгээг хийхээр болжээ.  Эмнэлэгт суурилсан тандалт, иргэдэд суурилсан лабораторийн шинжилгээг Мөрөн суманд болон сумдад  энэ сарын 9,10-ны өдрүүдэд хийнэ гэдгийг аймгийн Шуурхай штабаас мэдээллээ.

Б.Туяа 


Тандалтын шугамаар 500 хүнд түргэвчилсэн оношлуураар шинжилгээ хийнэ