Хөвсгөлд 8080 иргэн гэрийн ажиглалтад байна
2020-12-16 20:55:32, 201

Хөвсгөл аймгийн хэмжээнд бусад аймаг, хотоос нийт 9943 иргэн ирсэн. Өнөөдрийн байдлаар 1863 иргэн гэрийн ажиглалтаас гарсан, 8080 иргэн гэрийн ажиглалт тусгаарлалтад байна гэдгийг Хөвсгөл аймгийн Эрүүл мэндийн газрын дарга М.Үүрийнбаяр мэдээллээ.

Нийт ирсэн иргэдийн 80 орчим хувь нь коронавирусний голомт бүхий газраас ирсэн учраас иргэдийг олон нийтийн газраар явахгүй гэртээ байж, амны хаалт тогтмол зүүх шаардлагатайг анхааруулж байлаа. Өнгөрсөн 24 цагийн хугацаанд ирсэн 72 иргэнээс түргэвчилсэн оношлуураар шинжилгээ хийхэд сөрөг гарчээ. Мөн аймгийн Шуурхай штабын 7038-3334 дугаарын утсанд иргэд гэрийн тусгаарлалтад хэд хоног байх талаар хамгийн их тодруулсан байна. "Энэ сарын 14-нөөс өмнө зорчиж  ирсэн иргэд 14 хоногийн тусгаарлалтад байх ба харин энэ сарын 14-нөөс хойш ирсэн иргэд 7 хоногийн гэрийн ажиглалт, тусгаарлалтад байна" гэдгийг мэдээллээ.

Б.Ганаа



Хөвсгөлд 8080 иргэн гэрийн ажиглалтад байна