Хөвсгөл аймгийн хэмжээнд томуу, томуу төст өвчний дэгдэлт нэмэгдсэнтэй холбогдуулан сургуулийн өмнөх боловсролын байгууллагын үйл ажиллагааг 1 дүгээр сарын 20-ны өдрийг хүртэлх хугацаанд түр зогсоож, ерөнхий боловсролын сургуулийн сурагчдын 2 дугаар улирлын амралтын үргэлжлэх хугацааг мөн 7 хоногоор сунгалаа. Ирэх 7 хоногт хичээл эхлэх үед хүйтний эрч чангарч уушигны хатгаагаар хүндрэх, дэгдэлт удаан үргэлжлэх эрсдэлтэй тул ерөнхий боловсролын сургууль, хүүхдийн цэцэрлэг аймгийн хэмжээнд 1 сарын 20 хүртэл амарч, олон нийтийг хамарсан арга хэмжээ зохион байгуулахыг хориглож байна гэдгийг Хөвсгөл аймгийн Засаг даргын Тамгын газрын дарга Х.Ган-Очир мэдээллээ.
Б.Ганаа
Сурагчдын хичээлийн амралтыг 7 хоногоор сунгав |
Сэтгэгдэл бичих