Эрэн хайх ажиллагаа үргэлжилж байна
2022-05-10 17:01:49, 2002

 Хөвсгөл аймгийн Бүрэнтогтох сумын Эрчим багийн Хилэнтийн гүүр гэдэг газар аймгийн төвөөс урд зүгт 7 км-т, сумын төвөөс зүүн хойд зүгт 44 км-т Дэлгэрмөрөн гол руу 1 эрэгтэй хүн үсэрч живсэн дуудлага аймгийн ОБГ-т ирсэн байна.

Тус аймгийн Онцгой байдлын газрын Эрэн хайх, аврах салбарын алба хаагчид 54 настай иргэн  Б-г энэ сарын 8-ны өдрийн 8 цаг 45 минутаас эхлэн 2 бүлэгт хуваагдан 1 дүгээр бүлэг Эрчим багийн Хилэнтийн гүүр гэдэг газраас Төмөрбулаг сумын Нарийн багийн Домбо гэдэг газар хүртэл 40 км-т хайсан байна. Харин 2 дугаар бүлэг Хилэнтийн гүүрнээс Шинэ-Идэр сумын Сангийн далай багийн Баян-Эрхт гэдэг газар хүртэл 60 км-т завиар эрэн хайх ажиллагааг зохион байгуулсан боловч үр дүнд хүрээгүй байна. Эрэн хайх ажиллагааг өнөө  өглөөний 8 цаг 30 минутаас дахин эхлүүлсэн байна.    

Б.Тэнгэр 



Эрэн хайх ажиллагаа үргэлжилж байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0