Хөвсгөл аймгийн Мөрөн сумын Урандөш багийн “Задгай”-д сумын төвөөс баруун зүгт 2 км-т Дэлгэр мөрний эрэг дээр 4 хүн зугаалж явах үед  1 хүн нь сэлж байгаад живсэн байна. Тус аймгийн Онцгой байдлын газрын алба хаагчид тус сумын харьяат иргэн 28 настай иргэн Д-г   эрэн хайх ажиллагааг 7 дугаар 23-ны өдрөөс 18  цагаас эхлэн 1 км-т завиар 3 удаа, 1-2.5 метрийн гүнд 9 удаа шумбалт хийж эрэн хайх ажиллагааг зохион байгуулсан боловч үр дүнд хүрээгүй тул 21 цаг 30 минутад цагт зогсоосон байна. Эрэн хайх ажиллагаа өнөөдөр өглөөний  6  цагаас дахин эхлүүлсэн байна. Иргэдийг  мэргэжлийн байгууллагаас өгч буй анхааруулга, сэрэмжлүүлгийг хэрэгжүүлж,  хайхрамжгүй байдлаасаа болж өөрийн болон бусдын амь насыг эрсдэлд оруулахгүй байхыг Хөвсгөл аймгийн Онцгой байдлын газраас анхааруулж байна.

Ш.Баярцэнгэл