Хөвсгөл аймгийн Тосонцэнгэл сумын Тээл багийн Тэгш булан гэдэг газар  10 хүн Сэлэнгэ мөрнийг  завиар гатлах явцад завь нь хөмөрч 7 хүн голын усанд осолдсон.  Эрэн хайх ажиллагааг 5 сарын 2-ны өдрийг хүртэл зохион байгуулж, 4 хүний цогцсыг олж, 3 хүний цогцос олдоогүй тул эрэн хайх ажиллагааг ар гэрийнхэнтэй нь зөвшилцөж зогсоосон байсан.  Энэ сарын 3-ны өдөр  Тосонцэнгэл сумын Сэлэнгэ багийн Эрлийзийн ферм  гэдэг газар Сэлэнгэ мөрний уснаас 32 настай иргэн У-ийн цогцос олдсон байна. Тус аймгийн Онцгой байдлын газрын алба хаагчид Сэлэнгэ мөрөнд осолдсон эмэгтэйн  цогцсыг уснаас   гаргаж,  Цагдаагийн газрын бүрэлдэхүүнд шилжүүлэн өгсөн байна.

Б.Туяа