Хөвсгөл аймгийн Эрдэнэбулган сумын төвөөс 42 kм зайд байдаг Үүрийн голд гурван  тээврийн хэрэгсэлтэй нутгийн 26  иргэн усанд урсаж, эрстэх аюулд орсон тухай мэдээллийг тус сумын хэсгийн цагдаа цагдаагийн ахлагч Г.Ширэндэв хүлээн авч нутгийн иргэдийн хамт цаг алдалгүй түргэн шуурхай очиж тусламж  үзүүлсэн байна.

Усны голд хөдлөх боломжгүй болсон тээврийн хэрэгслүүдийг уснаас татаж гаргаж, иргэдийн амь нас эрүүл мэнд  эд хөрөнгийг усны аюулаас авран хамгаалжээ. Цаашид иргэдийг цаг агаарын нөхцөл байдалд тохируулан хувцаслаж, баталгаат бус замаар зорчихгүй, бүрэн бус тээврийн хэрэгсэлтэй хөдөлгөөнд оролцохгүй, алсын замд явахдаа тээврийн хэрэгслийн болон иргэдийн аюулгүй байдлыг хангаж явахыг Хөвсгөл аймаг дахь Цагдаагийн газраас анхааруулан сэрэмжлүүлж байна.

Б.Туяа