ӨВЛИЙН АДАГ ХӨХӨГЧИН ҮХЭР САРЫН

ГУРВАН ХӨХ МЭНГЭТЭЙ ЦАГААГЧИН ХОНЬ ӨДӨР

Үс засуулбал: Сүлд тэнэж одно

Наран ургах, шингэх: 08.14-17.54

Барилдлага: Түлэх 

Шүтэн барилдлага: Төрөхүй 

Суудал: Хий

Аргын тооллын 2 сарын 3, Адъяа гараг. Билгийн тооллын 29, Элдэв тэнгэртэн одтой, цагаагчин хонь өдөр. Өдрийн наран 8 цаг 14 минутад мандан, 17 цаг 54 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр гэмтнийг шийтгэх, лус тахих, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, цөөрөм байгуулахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.