Есдүгээр сарын 26-нд гэрээсээ гараад сураггүй болсон Хөвсгөл аймгийн Тариалан сумын Мандал багт иргэн Ш-ийн 13 настай хүү Б-г албаныхан 28-ны 09 цагийн үед эсэн мэнд олжээ. Хүү айлын ээнгүй байшинд хоноглож байсан бөгөөд яагаад гэрээсээ явсан нь одоогоор тодорхойгүй байна. Түүнийг сургуулийн нийгмийн ажилтанд нь хүлээлгэж өгсөн бөгөөд орон нутгийн удирдлагууд хүүтэй уулзаж асуудлыг тодруулна” гэж Тариалан сумын ЗДТГ-ын дарга Д.Баасанбат хэлэв. Б-г алга болсон гэх мэдээллийн дагуу Онцгой байдлын газрын 10 алба хаагч,  Цагдаагийн хэсгийн хоёр алба хаагч,  нутгийнзахиргааны байгууллагын 116 нийт 128 хүн, 12 автомашинтай есөн бүлэгт хуваагдаж эрэн хайх ажиллагааг зохион байгуулсан боловч үр дүнд хүрээгүй тул  эрлийн ажиллагааг  түр зогсоож байсан юм.                                                                                                                                                                                                                                                                                                                                                                                                                                                                                 Б.Гантуяа