Хөвсгөл аймгийн Онцгой комиссын 6-р хуралдаанаар болзошгүй эрсдэлээс сэргийлэх зорилгоор аймаг, сумын төвөөс гарах, орох орон нутгийн авто тээврийн хэрэгслийн хөдөлгөөнийг энэ сарын 10-ны 18.00 цагаас 2 дугаар сарын 17-ны 06.00 цаг хүртэл хязгаарлахаар болов.Энэ үеэр аймгийн хэмжээнд 32, Мөрөн суманд 6 хяналтын пост гарч, төрийн албан хаагчид эргүүл, хяналтаар ажиллах юм. Мөн аймгийн төвд үйл ажиллагаа явуулж байгаа төрийн үйлчилгээний байгууллагуудын ажлын цагийг энэ үеэр 10.00-17.00 цаг хүртэл ажиллах шийдвэр гаргаж, ажлын тусгай горимд шилжүүлэхээр боллоо.

Б.Ганаа